حــــبي لــــك غــــلطه.............

حبـــــــــي لك غلطـــــهـ

.. آسف أنا في حبي لك تسرعت.
ظنيت ألاقي فيك شي فقدته

كنت أحسبك مجروح مثلي تولعت
...جربت فرقى شخص قلبك وهبته

كنت أحسبك من مرّ جرحك تجرعت
... حبيت فيك أحساس طفل لمحته

لو قلت آآآه بوسط روحي توجعت
... ولو شفت دمعاتك شعوري سكبته

ولو تطلب عيوني ابد ما تمنعت
... وأعطيك قلبي لو بعد ما طلبته

وصلت بك أعلى مكان وتربعت
... وفي قلب غيري ياالغضي ما وصلته

واصبر على صدك وأشوفك تدلعت
... واعطيك ود ما أظنك حسبته

أذهلتني بطباعك اللي تطبعت
... حتى قصيدي فيك ابد ما فهمته

لو كان غايتك حروفي فانا بعت
... وافرح بجرح الشاعر اللي جرحته

وأرجوك من صدك تراني تشبعت
... خلك مع اللي عاجبك أو عجبته

يكفي قهر في جيتي لك تواضعت
... تركت غيرك لأجل عينك وبعته

ياليتني عن حب مثلك ترفعت
... ياليت قلبي قبل أعرفك دفنته

لكن أببعد دامني بك توهقت
... الله يرحم حبنا اللي ذبحته

أنا شريت الود والحين أنا بعت
... وأنا عطيتك قلبي اللي قهرته

في يوم جيتك أطلبك ود وأقنعت
... نفسي بأنك شخص عادي عرفته

كمل حياتك مثل ما أنا توقعت
... تبقى أسير الماضي اللي فرضته

ولا يحزنك إني غلطان وتراجعت
... حولك بدالي ألف شخص عجبته

أما أنا لا يمكن اخضع ولا طعت
... يحرم علي أعطيك قلب خذلته

بريّحك من شوفتي يومك قطعت
... أسلوبك اللي به تجامل كرهته

غلطان يا المقفى أنا ما تتبعت
... غيري يتابع خطوتي ما تبعته

ما ينحني راسي لو إني تقطعت
... وما هو أنا لا من رميته لقطته

وان كان غرك كلام عذالي وطعت
... الله يعلم كيف قلبي سكنته

اللي ملا قلبك علي وتسمعت
... خله يعوض شخص مثلي خسرته

أنا بما فيه الكفاية تولعت
... واللي بقى من قلب فيني حرقته

بأول لقاء سلمتك إحساسي وضعت
... غلطت حياتي يوم قلبي سلبته

واستسمحك بالبعد كأني تراجعت
... ما عاد ابلقى فيك شي فقدته

طبعك مثل غيرك وطبعي كما كنت
... أحب شخص ولا تركته تركته

وان شفتني صدفة بعينك تطلعت
... ذكرتني بإنسان غالي فقدته

مماراق لي لكم أجمل التحايا,,,,,,,,,,

عدد المساهمات : 3 تاريخ التسجيل : 08/08/2010

مشكوررر

ما ينحني راسي لو إني تقطعت
... وما هو أنا لا من رميته لقطته

ابيات جميله

شكراً لما متعتنا به من كلمات متناسقة ومعان جميل

شكراً بانافع

وتقبل مروري

كنت أحسبك من مرّ جرحك تجرعت
... حبيت فيك أحساس طفل لمحته

صح لسانك اخوي الشاعر والى المز يدمن التميز santa

تسلم يد الكاتب
وصح اللسانك خوي
يعطيك العافيه
تقبل مروري

الحزين كتب:: مشكوررر

لاشكر على واجب

ربنا يبعد عناالاحزان

منور المنتدى

Warlord كتب:: ما ينحني راسي لو إني تقطعت
... وما هو أنا لا من رميته لقطته

ابيات جميله

شكراً لما متعتنا به من كلمات متناسقة ومعان جميل

شكراً بانافع

وتقبل مروري

نورت الموضوع قائدنا

يعطيك العافيه الجميل هومررررورررك

طارق بلخير كتب:: كنت أحسبك من مرّ جرحك تجرعت
... حبيت فيك أحساس طفل لمحته

صح لسانك اخوي الشاعر والى المز يدمن التميز

صح بدنك أخوي طارق

أنت التميز بكله منورر

ksaمحمدksa كتب:: تسلم يد الكاتب
وصح اللسانك خوي
يعطيك العافيه
تقبل مروري

صح بدنك ياعمدة المنتدى

منور الموضوع ياذوق

تسلم لحبابك

.. آسف أنا في حبي لك تسرعت.
ظنيت ألاقي فيك شي فقدته
صح لسانك بانافع يسلمووو ع الابيات الرائعه

أميرة الورد كتب:: .. آسف أنا في حبي لك تسرعت.
ظنيت ألاقي فيك شي فقدته
صح لسانك بانافع يسلمووو ع الابيات الرائعه

صح بدنك أميرة المنتدى
نورت الموضوع

الاخ بانافع
تسلم على هذا الشعر يا شاعر الغرفة