مشاكل السفر والإغتراب

الموضوع اليوم شوي غريب ولكن العبرة منه كبيرة جداً

هذه القصيدة على لسان زوجة المغترب ، الذي سافر وهاجر عن أرضة وتركها لهمومها وما تعانيه

من بعد الحبيب وسنوات الهجر الطوال والمسئوليات التي تركها لها زوجها من تربية الأبناء ومتابعتهم

وحفظ الامانات التي أوكلت لها بعد سفر وهجرة الزوج .

الغريب في القصيدة أنها على لسان أمرأة سودانية ، والقصيدة عموماً سودانية المنشأ ولكن تتضمن

الكثير من الكلمات والمعاني الرائعة .

اتمنى أن تنال اعجابكم وحسن رضاؤكم .

معذرة.. لو معاك منى الكلام حـــــره .. معليش الخطاب كاتباهــــــو مضطرة
حـــــــــــرام والله مننـــا إنت تتبرا .. خمسة سنين تفوت تجى فيها فد مرة
وراك أنا كم شقيت وعشت فى مرة .. وتعبـــت مع البطان الهم للعيون غرة
بيخاف الغرق الغاص ورا درة .. قالو أدب الصغار والعقــــدة من خدرة
حليلى أنا الزمن ضى فاطرى ما انفر .. وخمسة سنين غياب مابتحملن حرة
أنا الحاضنة العذاب وآمالى محتضرة.. وإنت الفى النعيم ما خات حساب بكرة
مسكينة التقول فى الإغتراب سترة .. وتتناسى القروش فى يوم تكون ضرة
حليل زمنك وكت عايشنا بالأُجــرة .. يا ريــــت لا عرفـــــــت ولا مرق برة
**********

الكاتما فى جواى كتير متملك الجوف والعصـب.... وما كت دايرة أقولو ليـك لكن لسان الحال غلـب

ما بنسى يـوم ودعتـنا وسافـرت فى غـرة رجـب. ...خلـيت وراك الـدار حـزين يتباكـا والدمع انسكـب

أعذرنى والله العظيـم لو ما الضـرورة أنا ما كـتب.... وأنا خايفـة فى بعـدك يكون الضاع هو ضعف المكتسـب

اليومـة داك ناس البلـــد هنونى شايقيــــــى وعرب.... قالو لى مبروك خير وجاك يكتب سلامــــتو الإغــترب

قالو لى دوب نجم السعد طلاكى من بعـــــد إحتجــب.... يا دوبا بالك يستريح وتنسى العـــــــذابات والتعــــب

فضّلت أحسب فى الشهور قاعدالى فوق نيران لهــب.... صابرة وحريصة على العيال لا بيقو للريح فى المهـب

سديت خانتك مــن مشيت قايمـابو واجبــــى كأم وأب....والأســــرة يضنيها المسير .. وتتهاوى لو ما فيها رب

والله ما بنــــكر جميلك برضـــــــــو لينا ثناك وجب.... موكب هداياك ما انقطع .. كان سترة فى الزمـن الصعب

لابسين وماكلين والنعيم كايلنا فى يوم ما نضب .....وعايشين معيشــــــــــــة المترفين .. طولنا والطبع إتخرب

البيت مفرش بالحرير ومليانة إيدى بالدهب.... لكن خسارة على محل .. عاش سيدو خمســــــــــة سنين عزب

الشى المهم ما قلتو ليك وليهو إنت ما ظنيت حسب.... كبرو الصغيرونين خلاص .. خايفالم الطبــــــــــع الكعب

وصولوها مرحلة الخطر .. والأمن ما زال مستتب.... وانا كتّ قادراهم زمان لكـــــــــــــن بعد كبــــــرو اتغلب

حصلنى قبل الجد يفوت .. دوبنهم فوق العتب.... قبال نحصـــــــــــــــد الخير ندم .. ومابيجدى كان لمت وعتب

خايفالم الطيش فى الدروس .. ومابرضى لو واحد رسب.... خوفنى المتعبنى الكبيـــــــــر بعدين يمرقو بلا أدب

وريتك الحاصل على لا فيهو ثورة ولا غضب ....شان الحديث مايبقى نى .. والواحــــــــــــــــــة يكتنفا الجدب

أنا قلبى مازال لسة حى .. ونجمو الملاهج ماغرب..... وآخر كلامى ترد على .. لا أبقة بكـــــــــــــرة أنا السبب

تجسيد لمشاعر المراة

قصيدة جميلة جداً وموضوع رائع جداً تحية لك اخي زعيم 2010

زعيم المنتدى

شكراً لك ومزيد من المواضيع الهادفة
تقبل مروري

اصعب شي غربة حبيب ؟؟

مثنى باظريس كتب:: تجسيد لمشاعر المراة

قصيدة جميلة جداً وموضوع رائع جداً تحية لك اخي زعيم 2010

زعيم المنتدى

شكراً لك ومزيد من المواضيع الهادفة
تقبل مروري

لك كل تقديري واحترامي

جعفر فواد بلفاس الكثيري كتب:: اصعب شي غربة حبيب ؟؟

اكيد غربة الحبيب مالها طبيب

لك كل شكري وتحياتي